Vaccine slots for sale iniimbestigahan ng DOH
Iniimbestigahan na ng Department of Health (DOH) ang mga napapaulat na bentahan ng slots para sa COVID-19 vaccination.
Ayon kay Department of Health Undersecretary at Spokesperson Maria Rosario Vergeire, nakikipagtulungan na ang DOH sa Philippine National Police (PNP) sa pamamagitan ng Department of Interior and Local Government.
Mayroon na rin aniyang kani-kaniyang imbestigasyon ang mga local government units kung saan may unang napaulat na bentahan ng slots.
Ang vaccine slots for sale ay una nang napaulat na nangyayari umano sa Mandaluyong City at San Juan City.
Ayon kay Vergeire, ang isa sa mga LGU ay humingi na rin ng tulong sa National Bureau of Investigation para matugunan ang usapin.
