BTS itinanghal na Top Social Artist sa 2021 Billboard Music Awards
Muling nakuha ng K-pop sensation ng BTS ang Top Social Artist sa 2021 Billboard Music Awards.
Ito na ang ikalimang sunod na taon na nakuha ng grupo ang titulo.
Ngayong taon, tinalo ng BTS ang BLACKPINK, si Ariana Grande, Seventeen at ang SB19 ng Pilipinas.
Agad namang nag-trending sa Twitter ang BTS matapos ianunsyo ng BBMA ang kanilang panalo.
Kabilang sa nag-trending sa Twitter ang mga hashtag na “Congratulations BTS”, “Top Social Artist” at “BBMAs”.
Maliban sa Top Social Artist award, nakuha din ng BTS ang TopDuo/Group award at Top Song Sales Artist.
Ang kanilang kantang “Dynamite” ay itinanghal naman bilang Top Selling Song.
