BREAKING: Barangay Kagawad patay sa pamamaril sa Calbayog City

Nasawi sa pamamaril sa Calbayog City ang isang kagawad ng barangay.

Kinilala ang biktima na si Barangay Kagawad Jimmy Botron ng Barangay Carayman.

Nangyari ang insidente Biyernes (May 21) ng umaga.

Batay sa paunang imbestigasyon, pumasok ang mga suspek sa kusina ng bahay ng biktima at saka ito pinaputukan.

Ayon sa mga saksi, magka-angkas sa motorsiklo ang mga suspek.

Patuloy pa ang imbestigasyon sa insidente. (Infinite Radio Calbayog)