LRT-2 magpapatupad ng degraded operations bilang paghahanda sa pagbubukas ng East Extension Project

Magpapatupad ng degraded operations sa LRT line 2 bilang paghahanda sa nakatakdang pagbubukas ng Line 2 East Extension Project.

Batay sa abiso ng LRT-2, ang degraded operations ay ipatutupad sa May 22 hanggang May 23 at sa May 29 hanggang May 30.

Sa nasabing mga petsa ang biyahe ng mga tren ng LRT-2 ay mula Araneta Center Cubao station hanggang Recto lamang at pabalik.

Ito ay para makapagsagawa ng integration test ng signaling system ng Line 2 Extension Project.

Ang Marikina at Antipolo Stations ng LRT-2 ay nakatakdang buksan sa June 2021.