VP Leni Robredo nabakunahan na kontra COVID-19
Nabakunahan na ng unang dose ng COVID-19 vaccine si Vice President Leni Robredo.
Ayon kay Robredo, maayos ang naging proseso ng vaccination sa Pinyahan Elementary School sa Quezon City.
Nagpa-book si Robredo sa QC Protektodo site via EZ Consult kasabay ang 17 pang staff mula sa Office of the Vice President noong May 13.
Ani Robredo, sila ay pawang nasa ilalim ng A3 Priority Group.
Nagpasalamat si Robredo sa team sa Pinyahan Elementary School dahil sa aniya’y mabilis at maayos na proseso.
Kasabay nito hinikayat ni Robredo ang publiko na magpabakuna na din upang maging protektado.
