Suplay ng bakuna sa bansa mas bubuti na sa mga susunod na buwan
Mas bubuti na ang suplay ng bakuna sa bansa sa mga susunod na buwan.
Ayon kay vaccine czar Carlito Galvez Jr., may nakatakdang dumating na 4.5 million doses ng Sinovac vaccine sa bansa mula June hanggang August.
Maliban sa Sinovac ay may iba pang mga brand ng bakuna na parating din.
Ngayong buwan ng Mayo sinabi ni Galvez na aabot sa mahigit 7 million doses ang matatanggap ng bansa.
Sa nasabing bilang, 3.7 million na ang nai-deliver na.
Sa May 20 ay mayroon pang darating na 500,000 doses ng Sinovac.
Ngayong buwan din nakatakdang dumating ang 2.2 million na bakuna ng Pfizer at 1.3 million ng Sputnik V.
