Filipino naturalization ni Angelo Kouame opisyal na
Opisyal na ang Filipino naturalization ng basketball player na si Angelo Kouame.
Nagpasalamat ang Samahang Basketball ng Pilipinas kay Pangulong Rodrigo Duterte sa pag-apruba sa Filipino naturalization ni Kouame.
Kasama ding pinasalamatan ng SBP sina Exec. Sec. Salvador Medialdea at Senator Bong Go. Gayundin sina Senators Sonny Angara, Joel Villanueva at Richard Gordon na naghain ng panukalang batas sa Senado para sa naturalization ng manlalaro.
May mga hakbang pang kailangang gawin para si Kouame ay makapaglaro sa team ng Pilipinas sa FIBA .
Umaasa ang SBP na makapaglalaro na si Kouame sa FIBA Asia Cup Qualifiers at sa FIBA Olympic Qualifying Tournament.
