Neri nagsalita sa hindi pagsusuot ng wedding ring ng asawang si Chito, “wala yan sa singsing, nasa tao ‘yan”

Nagpaliwanag si Neri Naig Miranda kung bakit hind nagsusuot ng wedding ring ang mister niyang si Chito Miranda.

Marami kasi ang nakapasin sa latest photoshoot nilang mag-asawa na walang suot na wedding ring si Chito.

Ayon kay Nero, kahit siya ay hindi na nagsusuot ng wedding ng mahigit limang taon na.

Ito ay dahil hindi na kasya sa kaniya ang singsing.

“Hindi na sya kasya! Lumaki talaga ako simula nung nagbuntis ako. Gustuhin ko man, ayaw kong maging purple ang daliri ko, haha! Kaya kung mapapansin nyo, engagement ring lang palagi ang nasusuot ko kase maluwag sya bago kami ikasal, ngayon tamang tama na lang, saklaaap! Hehe,” ayon kay Neri.

Sinabi ni Neri na sinubukan din naman ni Chito na magsuot ng wedding ring pero palagi niyang naiiwan sa lababo kung maghuhugas ng kamay.

Ani Neri, may diamante sa loob ang singsing kaya sayang naman kapag nawala.

“Kaya sabi ko ‘wag na nyang suotin at baka mawala pa. Hindi naman ako sensitive kung may singsing syang suot. Aba’y alam naman ng lahat na kasal kami at may pamilya na siya,” ayon pa kay Nero.

Dagdag pa ni Nero, ang singsing ay simbolo ng commitment pero mas gusto niyang committed si Chito at responsableng asawa at tatay.