#WALANGPASOK: Klase sa Davao City suspendido dahil sa bagyong Crising; full work-from-home arrangement sa gobyerno ipatutupad
Suspendido bukas, May 14 at sa Sabado May 15 ang klase sa mga public at private schools sa Davao City dahil sa bagyong Crising.
Sa proklamasyon ni Davao City Mayor Sara Duterte, sinuspide ang klase mula kinder hanggang post-graduate studies.
Ipatutupad din ang full work-from-home arrangement sa lahat ng sangay ng gobyerno sa lungsod.
Kabilang ang Davao City sa inaasahang makararanas ng malakas na pag-ulan dahil sa bagyong Crising ayon sa PAGASA.
Hindi naman sakop ng full work-from-home arrangement ang mga nasa safety and security, health, social services at disaster offices.
