20 huli ng Coast Guard sa ilegal na pangingisda sa Palawan
Nahuli ng mga tauhan ng Philippine Coast Guard ang 20 katao na ilegal na nangingisda sa Cuyo, Palawan.
Habang nagsasagawa ng maritime patrol sa bahagi ng 5.9 miles northwest ng Barangay Lubid Island ay namataan ang isang fishing boat.
Sa isinagawang inspeksyon sa FB Nathan natukoy na ito ay pag-aari ng YYN Fishing Corporation sa Jaro, Iloilo City.
Inabisuhan ang mga mangingisda na sila ay lumabag sa Municipal Ordinance No. 2016 – 1564 at Municipal Ordinance No. 2015 – 1520 dahil sa pangingisda sa municipal waters ng Cuyo nang walang karampatang permit.
Nagbayad naman ang YYN Fishing Corporation ng P100,000 na multa sa municipal treasurer ng Cuyo, Palawan para mai-release ang fishing vessel at 20 mangingisda.
