Mga pasyente ligtas matapos ang sunog sa Pasig City General Hospital – Mayor Vico Sotto

Ligtas ang mga pasyente Pasig City General Hospital matapos na masunog ang storage room nito.

Ayon kay Pasig City Mayor Vico Sotto, 14 na pasyente ang kinailangang ilipat sa ibang pasilidad.

Nagpasalamat naman si Sotto sa pamunuan ng The Medical City and at sa pamahalaang lungsod ng Maynila sa pag-aalok na mailipat sa kanila ang mga pasyente kung kakailanganin.

Ayon kay Sotto, hindi naman umabot sa ganitong pagkakataon dahil kinaya namang mailipat sa ibang bahagi ng PCCH ang mga pasyente.

Ani Sotto lumaki ang apoy dahil inabot ang stockpile ng alcohol ng ospital.

Alas 3:01 ng hapon nang maideklarang fire out na ang sunog.