24 pang Pinoy tinamaan ng COVID-19 sa ibang bansa
Nadagdagan ng 24 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw ng Martes, May 11, sa kabuuan 18,569 na ang bilang ng mga Pinoy abroad na tinamaan ng COVID-19.
Nadagdagan naman ng 17 ang bilang ng mga Pinoy abroad na gumaling sa sakit.
Sa kabuuan, 11,366 na ang gumaling habang 6,042 pa ang sumasailalim sa gamutan.
Nasa 1,161 naman ang kabuuang bilang ng mga nasawing Pinoy sa ibang bansa dahil sa COVID-19.
