Coast Guard nagsagawa ng routine maritime patrol sa MV Athens Bridge

Nagsagawa ng Maritime Patrol ang Philippine Coast Guard (PCG) sa MV Athens Bridge na ngayon ay nakadaong sa Sangley Point, Cavite City.

Layunin ng routine maritime patrols na matiyak ang kaligtasan at seguridad ng ng mga Filipino crewmember nito na nakasailalim sa quarantine sa loob ng barko.

Magugunitang noong nakaraang linggo, umasiste ang Department of Transportation (DOTr) maritime sector sa 12 crewmember ng barko na nagpositibo sa COVID-19.

Dalawa sa kanila ang kinailangang agad dalhin sa ospital dahil malubha ang kondisyon.

Sa ngayon ay 9 pang Pinoy crew ng MV Athens Bridge ang naka-quarantine sa barko.

Isasailalim pa sila sa swab test bago maisagawa ang proper disembarkation.