PNP bibigyan ng face mask ang mga hindi nakasuot nito
Magbibigay ng libreng face mask ang Philippine National Police (PNP) sa mga makikitang walang suot nito lalo na ang mga walang kakayang bumili.
Ayon kay PNP Chief, Police General Guillermo Lorenzo T. Eleazar, ang mga mahuhuling lalabag sa facemask ordinance ay hindi ikukulong subalit isasailalim sa booking at iimbestigahan.
Maari aniyang pigilin sa loob ng 12 oras ang mga lalabag habang sumasailalim sa imbestigasyon at booking procedure.
Aalamin din kun ang violator ay may dati nang rekord sa PNP.
Bilin naman ni Eleazar sa mga pulis, hulihin at arestuhin ang mga makikitang walang suot na face mask.
Pero huwag ikulong ang mga ito at sa halip ay dalhin lamang sa holding area.
Ibinilin din niyang huwag saktan, huwag pag-ehersisyuhin at huwag ipahiya ang mga mahuhuli.
