Cameraman ng TV5 binugbog ng mga guest ng isang resort sa Caloocan

Binugbog ng dalawang guest ng isang resort sa Caloocan ang cameraman ng TV5 na si Arnel Tugade.

Kumukuha lamang ng footages si Tugade sa Gubat sa Ciudad Resort sa Caloocan ng siya ay mapagdiskitahan ng mga guest.

Nag-viral sa social media ang naturang resort dahil sa pagbubukas nito kahit ang NCR Plus ay nakasailalim sa Modified Enhanced Community Quarantine.

Kumalat din sa Facebook ang mga larawan sa loob ng resort noong Linggo, May 9 kung saan kitang punung-puno ang resort at madami ang nagsi-swimming.

Naghain na ng reklamo sa pulisya si Tugade at hawak na ng mga otoridad ang dalawang suspek.

Ang nasabing resort ay ipinasara na ng Caloocan City LGU.