Pari sa San Fernando, Pampanga sibiga sa pwesto sa umano ay pakikipag-relasyon sa may asawa
Inalis sa puwesto ang isang pari sa Pampanga dahil sa pakikipag relasyon umano sa babaeng may-asawa.
“In the meantime, given the sensitive nature of the matter, and as a preliminary move, the Archdiocese has resolved to remove the priest from his parish assignment,” saad ni San Fernando, Pampanga Archbishop Florentino Lavarias.
Batay sa CBCP News, kumalat ang viral video nitong linggo kung saan makikita ang isang lalaki na nakikipagtalo sa pari sa hinalang pakikiapid sa kanyang misis.
Nangako naman si Bishop Lavarias na imbestigahan ang sensitibong insidente matapos matanggap ang pormal na reklamo mula sa sangkot na pamilya.
“The RCASF reserves the right to take appropriate actions as a more thorough investigation progresses, after the receipt of a formal complaint from the concerned party,” saad pa sa the statement.
Hiniling naman ng Archdiocese sa publiko na igalang ang privacy ng mga partido na sangkot sa kontrobersiya habang sinisikap nilang idaan sa paraan ng pagiging kristiyano ang naturang sensitibong isyu.
Hinimok din ng arsobispo ang publiko na tumugon sa insidente na may kaakibat na panalangin.
