Kaso ng COVID-19 sa bansa nadagdagan ng mahigit 6,000; 191 pa ang pumanaw

Nakapagtala ng mahigit 6,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, May 6 ay 1,080,172 na ang kabuuang bilang ng kaso ng COVID-19 sa bansa.

Sa magdamag, umabot sa 6,637 ang dagdag na mga kaso.

Sa kabuuang bilang ng COVID-19 cases, 999,011 ang gumaling o katumbas ng 92.5 percent makaraang makapagtala pa ng dagdag na 6,091 na gumaling.

63,170 naman ang active cases o katumbas ng 5.8 percent.

17,991 na ang kabuuang death toll sa bansa o 1.67 percent makaraang makapagtala ng dagdag na 191 pang pumanaw.