DILG Sec. Año binati ang bagong PNP chief
Binati ni Interior and Local Government Sec. Eduardo Año ang bagong talagang PNP chief na si Lt. Gen. Guillermo Eleazar.
Ayon kay Año, maituturing na “very qualified” para sa nasabing pwesto si Eleazar.
Nagpasalamat din ang kalihim kay Pangulong Rodrigo Duterte sa pag-apruba nito sa rekomendasyon ng DILG na si Eleazar ang hirangin bilang bagong pinuno ng PNP.
Sinabi ni Año na sa pamamagitan ng resolusyon ng NAPOLCOM, inirekomenda niyang mahirang bilang PNP chief si Eleazar.
Ito ay base aniya sa seniority, merit, service reputation at kakayahang pamunuan ang PNP.
Sa maraming posisyon aniya na pinamunuan ni Eleazar ay nagpakita ito ng abilidad, integridad at propesyunalismo.
