10,000 doses ng COVID-19 vaccine para sa Region 2 dumating na sa Cagayan
Dumating na ngayong araw ang mahigit 10,000 doses ng CoronaVac na nakalaan para sa Region 2.
Lumapag sa Tuguegarao City Airport ang Cebu Pacific flight lulan ang mga bakuna.
Ang 10,000 doses ng bakuna ng Sinovac ay nakalaan sa mga health workers ng iba’t ibang ospital sa Region 2.
Dadalhin muna ito sa tanggapan ng DOH Region 2 para doon iimbak.
Inaasahan namang agad sisimulan ang pagbabakuna sa mga healthcare worker.
