Moderna pinagkalooban na ng Emergency Use Authorization ng FDA

Inaprubahan na ng Food and Drug Administration and aplikasyon para sa Emergency Use Authorization (EUA) ng COVID-19 vaccine ng Moderna.

Ayon kay FDA Director General Eric Domingo, isinailalim sa siyam na araw na review ang mga dokumentong isinumite ng Moderna.

Ang bakuna ng Moderna ay maaring gamitin sa mga edad 18 pataas.

Una nang sinabi ng pamahalaan na bumili na ang gobyerno ng 13 milyong doses ng Moderna.

Ang mga pribadong sektor naman ay bumili din ng 7 milyong doses nito para sa kanilang mga empleyado.