Pangulong Duterte sakop ng compassionate special permit na inisyu ng FDA para sa Sinopharm vaccine

Sakop si Pangulong Rodrigo Duterte ng compassionate special permit na inisyu ng Food and Drug Administration (FDA) para sa Sinopharm COVID-19 vaccine ng China.

Ayon kay FDA Director General Eric Domingo, ang compassionate special permit ay naunang hiningi ng Presidential Security Group sa layong maproteksyunan ang pangulo.

Ang permit ay para sa mga donasyong bakuna ng Sinopharm na galing sa China.

Ang Sinopharm ay wala pang emergency use authorization mula sa FDA.

Pero ayon kay Domingo, mayroon nang mga kumpanya ang nagpahayag ng kanilang intensyon na mag-apply ng EUA para sa Sinopharm.

Hinihintay na lamang aniya ng FDA ang mga isusumiteng requirements.