Kabuuang kaso ng COVID-19 na naitala sa India halos 20 milyon na

Halos umabot na sa 20 milyon ang kabuuang kaso ng COVID-19 sa India.

Sa nakalipas na magdamag ay nakapagtala ng dagdag na mahigit 300,000 pang bagong kaso ng sakit sa nasabing bansa.

Ang kabuuang kaso ng COVID-19 sa India ay mahigit 19.9 million na.

Sa nasabing bilang, mahigit 16.2 million ang gumaling habang mahigit 3.4 million pa ang aktibong kaso.

Nakapagtala naman na ng kabuuang 218,959 na bilang ng mga nasawi sa India dahil sa naturang sakit.

Ang India ay pumapangalawa sa US sa may pinakamaraming kaso ng COVID-19 sa buong mundo.