4 na barangay sa Baseco walang suplay ng tubig

Nakararanas ng water service interruption ang bahagi ng Baseco Compound sa Tondo, Maynila.

Ayon sa abiso ng Maynilad, aksidenteng natamaan ng HB Construction – contractor ng MMDA para sa isang drainage project ang 150 mm pipeline sa Baseco dahilan kung bakit nagkaroon ito ng tagas.

Dahil dito, pansamantalang nakakaranas ng water interruption ang ilang lugar sa Baseco.

Apektado ang sumusunod na mga barangay:

– 649
– 650
– 653
– 649

Ayon sa Maynilad, nakapagsagawa na sila ng initial assessment at nakikipag-ugnayan na contractor ng MMDA para alisin ang kanilang backhoe at masimulan na ang repair activity.

Nag-deploy na din ng water tankers sa mga apektadong lugar upang makapagbigay ng malinis na tubig.

Inaasahang maibabalik ang suplay ng tubig, alas 5:00 ng hapon ngayong Lunes, May 3.