Pinal na desisyon sa petsa ng pagbubukas ng klase na kay Pangulong Duterte

Si Pangulong Rodrigo Duterte ang magbibigay ng pinal na pasya tungkol sa petsa ng pagbubukas ng klase.

Ayon ito sa Department of Education (DepEd), makaraang isa sa mga opisyal nito ang magpahayag na sa August 23 na magsisimula ang School Year 2021-2022.

Sa inilabas na pahayag ng DepEd, nakasaad na na kay Pangulong Duterte ang pinal na desisyon sa pagbubukas ng klase sa susunod na school year.

Ayon sa DepEd, magpapanukala lamang sila ng mga opsyon na maaring ikunsidera ng pangulo.

Ang August 23 na start date ay panukala pa lamang umano at isa sa mga opsyon na maaring pagpilian ng pangulo.

Sinabi rin ng DepEd na mandato ng ahensya na buksan ang School Year bago matapos ang buwan ng Agosto.

Sa ngayon sinabi ng DepEd na nagsasagawa pa ng konsultasyon at review sa mga concerned stakeholders para matukoy ang nararapat na aksyon sa usapin.