12 pang Pinoy tinamaan ng COVID-19 sa ibang bansa
Nadagdagan ng 12 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw ng Huwebes, April 29, sa kabuuan 18,325 na ang bilang ng mga Pinoy abroad na tinamaan ng COVID-19.
Sa naturang bilang, 11,233 na ang gumaling habang 5,947 pa ang sumasailalim sa gamutan.
Nasa 1,145 naman ang kabuuang bilang ng mga nasawing Pinoy sa ibang bansa dahil sa COVID-19.
