4 na taga-Marikina arestado; dumayo ng Mountain Province para kumuha ng suplay ng marijuana
Arestado ang apat na lalaki na pawang residente ng Marikina City makaraang dumayo sa Mountain Province para kumuha ng suplay ng marijuana.
Ang apat ay nadakip ng mga tauhan ng PDEA Mountain Province at Mountain Province Police sa checkpoint sa Poblacion, Sadanga, Mountain Province.
Kinilala ang mga suspek na sina Dan Mark De Los Reyes, Lorence Ignacio, Vince Robles at John Cesar Padilla, na pawang taga-Parang, Marikina.
Sakay sila ng Toyota Avanza nang parahin sa checkpoint.
Nakumpiska sa kanila ang mga marijuana na aabot sa 8,250 grams ang bigat at tinatayang P1 Million ang halaga.
Nakuhanan din sila ng smoking pipes.
Mahaharap ang apat sa kasong paglabag sa RA 9165 o Comprehensive Dangerous Drugs Act of 2002.
