82 patay sa sunog sa isang ospital sa Baghdad

Umabot sa 82 ang kumpirmadong nasawi sa sunog sa isang ospital sa Baghdad, Iraq.

Ayon sa ministry office ng Baghdad, maliban sa mga nasawi mayroong 110 pang nasugatan ng matupok ang Ibn al-Khatib Hospital.

Nagsimula ang sunog nang sumabog ang isang oxygen tank.

Nagtulung-tulong ang mga staff ng ospital at team mula sa civil defense na ilikas ang mga pasyente kung saan nasa 200 ang nailigtas.