DOH nakapagtala ng mahigit 8,000 na bagong kaso ng COVID-19; mahigit 20,000 ang nadagdag sa bilang ng mga gumaling

DOH nakapagtala ng mahigit 8,000 na bagong kaso ng COVID-19; mahigit 20,000 ang nadagdag sa bilang ng mga gumaling

Nakapagtala ng mahigit 8,000 bagong kaso ng COVID-19 sa bansa.

Ayon sa datos ng Department of Health (DOH) araw ng Linggo, April 25 ay 997,523 na ang kabuuang bilang ng kaso ng COVID-19 sa bansa.

Sa magdamag, umabot sa 8,162 ang dagdag na mga kaso.

Sa kabuuang bilang ng COVID-19 cases, 903,665 ang gumaling o katumbas ng 90.6 percent makaraang makapagtala pa ng dagdag na 20,509 na gumaling.

77,075 naman ang active cases o katumbas ng 7.7 percent.

16,783 na ang kabuuang death toll sa bansa o 1.68 percent makaraang makapagtala ng dagdag na 109 pang pumanaw.