P2.8M na halaga ng shabu nakumpiska sa 5 drug suspect sa Marikina City

Inaresto ng mga tauhan ng Marikina City Police – Station Drug Enforcement Unit (SDEU) ang limang drug suspect sa Brgy. Fortune, Marikina City.

Ayon kay P/Col. Restituto Arcangel, hepe ng Marikina City Police Station, ikinasa ang buy-bust operation sa Upper Balite sa nasabing barangay.

Kinilala ang mga naarestong suspek na sina Eugene Lumbre alyas Daddy Tong, 61 anyos; Marlon Soriano, 34 anyos; Alex Amirel, 31 anyos; Princess Navena, 25 anyos at Aila Tan, 36 anyos.

Nakumpiska sa limang suspek ang mga hinihinalang shabu na tinatayang aabot sa P2.8 million ang halaga.

Kabilang sa mga ebidensyang nakumpiska sa mga suspek ang mga sumusunod:

– 2 maliit na heat sealed transparent plastic sachet ng hinihinalang shabu
– 23 ng medium heat sealed transparent plastic sachet ng hinihinalang shabu
– 3 piraso ng transparent plastic ice bag ng white crystalline substance na ng hinihinalang shabu
– 1 pouch
– 1 paper bag
– 1 cellular phone
– 1 unit ng Toyata Vios
– 1 unit ng Toyota Avanza
– 1 piraso ng P1,000 na buy bust money

Mahaharap sila sa kasong paglabag sa Sec 5 (Selling), Sec 11 (Possession) ng Dangerous Drugs Act of RA 9165.