Katawan ng dalawang nawawalang lalaki na Camotes Island, natagpuan na
Natagpuan na ng mga tauhan ng Philippine Coast Guard (PCG) at ng San Francisco Municipal Disaster Risk Reduction and Management Office (MDRRMO) ang katawan ng dalawang lalaki na unang iniulat na nawawala matapos maligo sa Camotes Island.
Ang dalawa ay nakitang palutang-lutang ng isang concerned citizen sa karagatang sakop ng Barangay San Isidro sa San Francisco, Camotes Island, Cebu.
Agad nagpadala ng team ang Coast Guard at MDRRMO para makuha ang katawan ng dalawa.
Kinilala ang mga ito Mark Heriodas, 19 anyos at Clark Paradero, 21 anyos.
Nai-turnover na sa San Francisco Funeral Services ang bangkay ng dalawa.
