Usec. Karl Kendrick Chua itinalaga na bilang kalihim ng NEDA

Kinumpirma ng Malakanyang na itinalaga na ni Pangulong Rodrigo Duterte si Karl Kendrick Chua bilang kalihim ng National Economic and Development Authority (NEDA).

Ayon kay Presidential Spokesperson, Secretary Harry Roque, sa panahon ng paninilbihan ni Chua sa Duterte Administration ay nakita ang propesyunalismo nito, ang kakayahan at integridad.

Ito ay noong panahon ni Chua bilang Undersecretary sa Department of Finance at Acting Secretary ng NEDA.

Sinabi ni Roque na kumpiyansa ang Palasyo na maitutuloy ni Chua ang performance nito sa kaniyang kasalukuyan at krusyal na tungkulin lalo ngayong nasa proseso ang bansa ng economic recovery dahil sa epekto ng COVID-19 pandemic.