Dalawa pang kaso ng B.1.1.7 variant naitala sa GenSan

Nakapagtala pa ng dalawang kaso ng B.1.1.7 variant ng COVID-19 sa General Santos City.

Ayon kay GenSan Mayor Ronnel Rivera, batay ito sa resulta ng testing mula sa UP-Philippine Genome Center.

Ang dalawang bagong kaso ay pawang close contacts ng unang napaulat na kaso ng B.1.1.7 variant sa GenSan.

Nakapagsagawa na ng contact tracing sa dalawang bagong kumpirmadong kaso hanggang sa 4th generation ng kanilang close contacts ayon kay Rivera.

Isinailalim na din sila sa mandatory quarantine, monitoring at testing.