DOH nakapagtala ng mahigit 9,000 na bagong kaso ng COVID-19; mahigit 9,000 din ang nadagdag sa bilang ng mga gumaling

Nakapagtala ng mahigit 9,000 bagong kaso ng COVID-19 sa bansa.

Ayon sa datos ng Department of Health (DOH) araw ng Lunes, April 19, 945,745 ang kabuuang bilang ng kaso ng COVID-19 sa bansa.

Sa magdamag, umabot sa 9,628 ang dagdag na mga kaso.

Sa kabuuang bilang ng COVID-19 cases, 788,322 ang gumaling o katumbas ng 83.4 percent makaraang makapagtala pa ng dagdag na 9,266 na gumaling.

141,375 naman ang active cases o katumbas ng 14.9 percent.

16,048 na ang kabuuang death toll sa bansa o 1.70 percent makaraang makapagtala ng dagdag na 88 pang pumanaw.