LOOK: Drive-thru vaccination para sa mga senior citizen sa Montalban, Rizal

Sa Barangay Burgos, Montalban, Rizal nagsagawa ng drive-thru vaccination para sa mga senior citizen na hirap makalakad.

Ayon sa Montalban Municipal Health Office (MHO), ang Felicidad Village 1 Covered Court ay ginawang venue para sa mga kalapit na mga Senior Citizen sa Barangay Burgos.

Pero nagkaroon din ng drive thru para sa mga ka-Barangay na senior na hirap nang maglakad.

Kabilang sa nagpabakuna kontra COVID-19 ay isang 92 anyos na lola.

Apela naman ng MHO sa pamumuno ni Dr. Carmela javier sa mga residente ng Montalban lalo na ang mga senior citizen at mayroong comorbidity, na tularan ang 92 anyos nalola at magpabakuna rin.

Ayon sa MHO, nawa ay maging halimbawa ang lola sa mga taong mayroong agam-agam sa makuna at sa mga hindi naniniwala sa benepisyong maidudulot ng bakuna upang labanan ang mga seryosong komplikasyon ng COViD-19.