Heaven Peralejo nagpositibo sa COVID-19
Positibo sa COVID-19 ang aktres na si Heaven Peralejo.
Sa kaniyang vlog, ibinahagi ni Heaven ang kaniyang karanasan mula nang unang araw na malaman niyang positibo siya sa sakit hanggang sa kinailangan siyang dalhin sa ospital.
Bagaman hindi nakaranas ng lagnat, dumating sa puntong nanghina at nahirapan nang huminga ang aktres.
Nakaranas din ng pananakit ng katawan at pananakit ng ulo si Heaven.
Ginamitan din siya ng oxygen machine dahil bumaba ang kaniyang oxygen levels.
Sinabi ni Heaven na muli siyang maglalabas ng update tungkol sa kaniyang kalagayan.
