500,000 doses pa ng Sinovac Vaccines dumating sa bansa

Dumating na sa bansa ang 500,000 pang doses ng Sinovac vaccine galing China.

Ayon kay National Task Force Chief Implementer at Vaccine Czar Carlito Galvez, bahagi ito ng 1.5 million doses ng COVID-19 na binili ng gobyerno ng Pilipinas sa China na darating ngayong buwan ng Abril.

Sa kabuuan ay aabot sa 25 million doses ng Sinovac vaccine ang darating sa bansa ngayong taon.

Bago ito ay nakatanggap na ang Pilipinas ng 1 milyong doses ng Sinovac.

Maliban pa sa una nang 1 million doses na donasyon ng Chinese government sa bansa.