DOH nakapagtala ng mahigit 12,000 na bagong kaso ng COVID-19 cases; 401 pa ang nasawi

Naitala ng Department of Health (DOH) ang pinakamataas na bilang ng mga nasawi sa COVID-19 sa bansa mula nang magkaroon ng pandemya.

Ayon sa DOH, 401 ang naitalang nasawi sa sakit araw ng Biyernes, April 9.

Umabot naman na sa 840,554 ang kabuuang bilang ng kaso ng COVID-19 sa bansa.

Sa magdamag, umabot sa 12,225 ang dagdag na mga kaso.

Sa kabuuang bilang ng COVID-19 cases, 647,683 ang gumaling o katumbas ng 77.1 percent makaraang makapagtala pa ng dagdag na 946 na gumaling.

178,351 naman ang active cases o katumbas ng 21.2 percent.

14,520 na ang kabuuang death toll sa bansa o 1.73 percent.