12 pang Pinoy sa ibang bansa nagpositibo sa COVID-19; 1 pa ang pumanaw

Nadagdagan ng 12 pa ang bilang ng mga Pinoy sa ibang bansa na tinamaan ng COVID-19.

Sa datos mula sa Department of Foreign Affairs (DFA) araw ng Miyerkules, April 7, nakapagtala din ng 5 pang gumaling at 1 pa ang nasawi.

Sa kabuuan ayon sa DFA, 16,581 na ang bilang ng mga Pinoy abroad na tinamaan ng COVID-19.

Sa naturang bilang, 10,070 na ang gumaling habang 5,452 pa ang sumasailalim sa gamutan.

Nasa 1,059 naman ang bilang ng mga nasawing Pinoy sa ibang bansa dahil sa COVID-19.

Pinakamarami pa ring bilang ng mga Pinoy na nagpositibo sa COVID-19 ay sa Middle East / Africa na umabot sa 9,078.

Sumunod ang Asia Pacific Region na mayroong 3,314 cases.