Bilang ng mga napauwing Pinoy mula nang magkaroon ng pandemya halos 400,000 na
Umabot na sa halos 400,000 ang bilang ng mga Overseas Filipinos na napauwi sa bansa simula nang magkaroon ng pandemya ng COVID-19.
Ayon sa datos mula sa Department of Foreign Affairs (DFA) 399,696 na ang kabuuang bilang ng mga napauwing OFs sa ilalim ng repatriation program ng pamahalaan.
Sa nasabing bilang, 105,402 ang mga umuwing Seafarers at 294,294 naman ang land-based.
Noong nakaraang linggo, 2,225 na OFs ang umuwi sa bansa.
Patuloy ang isinasagawang repatriation ng DFA sa mga stranded OFs na nasa ibang mga bansa na apektado ng pandemya.
