Apat na isolation facilities bubuksan ngayong linggo
Apat na isolation facilities ang bubuksan ng pamahalaan ngayong linggo.
Ayon kay Presidential Spokesperson Harry Roque, inaasahang aabot sa mahigit 700 isolation beds ang madaragdag sa pagbubukas ng dagdag na mga pasilidad.
Kabilang sa bubuksan ngayong linggo ang Subic Manila Times Colleges na mayroong 300 beds, New Clark City – 165 beds, Eva Macapagal Terminal Manila – 200 beds at Orion Bataan Port Terminal – 100 beds.
Malaking tulong ito para maibsan ang pagdagsa ng mga pasyente sa mga ospital sa Metro Manila at mga karatig na lalawigan na karamihan ay full capacity na.
