Pambato ng Pilipinas sa Miss Eco International 2020 na si Kelly Day wagi bilang 1st runner-up
Wagi bilang first runner-up ang pambato ng Pilipinas na si Kelley Day sa coronation night ng Miss Eco International 2020.
Ang pambato ng South Africa na si Gizzelle Uys ang nag-uwi ng korona sa coronation night na ginanap sa Egypt Lunes (April 5) ng madaling araw.
Sa question-and-answer portion para sa Top 5 finalists, tinanong si Day kung paano maipo-promote ang safety bunsod ng tumataas na karahasan sa mga paaralan.
Sa kaniyang sagot, sinabi ni Day na kailangang paigtingin ang seguridad sa mga paaralan sa pamamagitan ng pagdaragdag ng security checks at metal detectors.
Umapela din si Day na huwag saktan ang kabataan dahil sila ang ating susunod na henerasyon.
Si Day ay nagwagi din ng Best National Costume sa nasabing pageant.
