Physical closure ng mga korte sa mga lugar na nakasailalim sa ECQ pinalawig pa ng Korte Suprema
Pinalawig pa ng Korte Suprema ang pagsasara ng mga korte sa mga lugar na nakasailalim sa enhanced community quarantine.
Ayon sa inilabas na administrative circular ng SC, mananatiling nakasara ang mga korte sa NCR, Bulacan, Cavite, Laguna at Rizal hanggang April 11, 2021.
Palalawigin din ang filing periods para sa mga Pleadings at iba pang court submissions.
Lahat ng naka-schedule na pagdinig ay suspendido muna maliban lamang sa mga “urgent” o kinakailangan ng agarang aksyon.
