COVID-19 cases sa bansa 747,288 na; mahigit 6,100 na bagong kaso ang naitala

Bahagyang bumaba ang naitalang bagong kaso ng COVID-19 sa bansa.

Sa inilabas na datos ng Department of Health (DOH) alas 4:00 ng hapon ng Miyerkules (March 31), umabot na sa 747,288 ang kabuuang bilang ng kaso ng COVID-19 sa bansa.

Sa magdamag, umabot sa 6,128 ang dagdag na mga kaso.

Sa kabuuang bilang ng COVID-19 cases, 603,746 ang gumaling o katumbas ng 80.8 percent makaraang makapagtala pa ng dagdag na 491 na gumaling.

130,245 naman ang active cases o katumbas ng 17.4 percent.

Habang nakapagtala pa ng dagdag na 106 pang pumanaw sa sakit.

13,297 ang kabuuang death toll sa bansa o 1.78 percent.