810 huli sa paglabag sa curfew sa Maynila

Sa nakalipas na magdamag, umabot sa 810 ang bilang ng mga nahuling lumabag sa pag-iral ng curfew sa lungsod ng Maynila.

Sa datos ng Manila Police District, sa naturang bilang, 751 ang adult habang 59 ang menor de edad.

Lahat ng nahuli ay dinala sa istasyon ng pulisya at isinailalim sa profiling.

Sila ay mahaharap sa reklamong paglabag sa curfew ordinance ng lungsod.

Sa Blumentrrit Market, may ilang mamalengke sana ang hinuli at dinala sa holding area sa Central Market dahil lumabas sila ng bahay kahit walang quarantine pass.

Ayon kay Lt. Ferdie Cayabyab, hepe ng Blumentrrit PCP, may ilan pa silang nahuli na walang quarantine pass na nagtangkang lumusot at makapasok sa Blumentrrit Market sa may bahagi ng Leonor Boulevard.