BREAKING: QC Mayor Joy Belmonte muling nagpositibo sa COVID-19
Muling nagpositibo sa COVID-19 si Quezon City Mayor Joy Belmonte.
Ayon sa pahayag ng alkalde, sinimulan na ng City Epidemiology and Disease Surveillance Unit ang contact-tracing sa mga nakasalamuha niya.
Wala namang malalang sintomas na nararanasan si Belmonte at siya ay naka-quarantine sa Hope Community Care Facility sa QC.
Walong buwan ang nakararaan nang unang magpositibo sa sakit.
Ayon sa alkalde, sa kabila ng kaniyang matinding pag-iingat ay nagpositibo pa din siya sa sakit.
Isang paalala aniya ito na hindi dapat maging kampante ang publiko.
