9 pang Pinoy sa ibang bansa nagpositibo sa COVID-19; 5 pa ang gumaling

Nadagdagan ng 9 pa ang bilang ng mga Pinoy sa ibang bansa na tinamaan ng COVID-19.

Sa datos mula sa Department of Foreign Affairs (DFA) araw ng Lunes, March 29, nakapagtala din ng karagdagan na 5 pang Pinoy na gumaling.

Sa kabuuan ayon sa DFA, 16,077 na ang bilang ng mga Pinoy abroad na tinamaan ng COVID-19.

Sa naturang bilang, 9,743 na ang gumaling habang 5,287 pa ang sumasailalim sa gamutan.

Nananatili naman sa 1,047 ang bilang ng mga nasawing Pinoy sa ibang bansa dahil sa COVID-19.

Pinakamarami pa ring bilang ng mga Pinoy na nagpositibo sa COVID-19 ay sa Middle East / Africa na umabot sa 8,884.

Sumunod ang Asia Pacific Region na mayroong 3,018 cases.