Business Area offices ng Maynilad sarado simula Mar. 29 hanggang Apr. 4
Pansamantalang isasara ang Maynilad Business Area (BA) offices mula Marso 29, 2021, Lunes, hanggang Abril 4, 2021, Linggo.
Kasunod ito ng pagpapatupad ng Enhanced Community Quarantine sa Metro Manila at ilang karatig-probinsya ng pamahalaan.
Paalala ng Maynilad, kung mayroong tanong o concern tungkol sa water service, maaring tumawag sa hotline number na 1626 (Metro Manila at 1800-1000-92873 (Cavite).
Pwede ring magpadala ng mensahe sa Facebook page o Twitter Account ng Maynilad.
