31 pang Pinoy sa ibang bansa nagpositibo sa COVID-19
Nadagdagan ng 31 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw ng Huwebes, March 25, nakapagtala din ng karagdagan na 20 pang Pinoy na gumaling.
Sa kabuuan ayon sa DFA, 16,040 na ang bilang ng mga Pinoy abroad na tinamaan ng COVID-19.
Sa naturang bilang, 9,722 na ang gumaling habang 5,271 pa ang sumasailalim sa gamutan.
Nananatili naman sa 1,047 ang bilang ng mga nasawing Pinoy sa ibang bansa dahil sa COVID-19.
Pinakamarami pa ring bilang ng mga Pinoy na nagpositibo sa COVID-19 ay sa Middle East / Africa na umabot sa 8,884.
Sumunod ang Asia Pacific Region na mayroong 3,008 cases.
