Physical closure ng mga korte na sakop ng NCR Plus iniutos ng Korte Suprema

Ipinag-utos ng Korte Suprema ang pagsasara ng lahat ng mga korte sa mga lugar na sakop ng tinaguriang NCR Plus.

Bunsod ito ng tumataas na kaso ng COVID-19 sa Metro Manila at mga kalapit na lalawigan.

Sa inilabas na anunsyo ng Supreme Court Public Information Office, ang pagsasara sa mga korte sa NCR, Bulacan Cavite, Laguna at Rizal ay simula ngayong March 25 hanggang bukas March 26.

Habang nakasailalim sa physical closure ay inatasan ang mga korte na manatiling accessible sa publiko at court users sa pamamagitan ng hotlines at email addresses.

Ang lahat ng naka-schedule na pagdinig sa nasabing mga lugar ay suspendido muna.