400,000 doses pa ng COVID-19 vaccine mula sa China darating sa bansa ngayong linggo

Parating na sa bansa ngayong linggong ito ang ikalawang batch ng mga bakuna na donasyon ng China sa Pilipinas.

Ayon kay Chinese Ambassador to the Philippines Huang Xilian, bago matapos ang linggong ito ay darating ang 400,000 doses ng COVID-19 vaccines.

Ito ang ikalawang bahagi ng donasyon ng China sa Pilipinas kasunod ng naunang 600,000 Sinovac COVID-19 vaccines na dumating sa bansa tatlong linggo na ang nakararaan.

Sa kabuuan, isang milyong doses ng COVID-19 vaccine ng Sinovac ang donasyon ng China sa bansa.